Dienstag, 24. Dezember 2013

S Christchindli und de Samichlaus ....

Es dunklet scho im Tannewald und schneielet ganz lisli.
Was isch das für es Liechtli döt i säbem chlina Hüsli?-
Da ist dä Samichlaus daheim mit sine guetä Sache!
r hät scho s Lämpeli azündt und tuet grad d' Kafi mache.
 
Da pöpperlets am Lädeli, und s Glöggli ghört er lütä!
Jetzt weiss er scho, wer djussa ist und was das söll bedütä:
S'Christchindli chunt na z'Obet schpot, es würt en welle stupfe,
Er müess dä Sack bald fürenäh und sini Finke lupfä!
 
S'Christchindli seit: „Herr Samichlaus, ä schöni Ornig händ er!
De Christtag stoht vor dä Tür. Hend Ihr dänn kei Kaländer?
S brucht Wiehnachtsbäum i jedes Hus, für vili hundert Chindä-
Ihr müends im Wald na haue hüt, dä Vollmond söll eu zündä!“
 
De Samichlaus stellt d'Tasse ab: „Nu nid so gsprängt, Christchindli-
Diä Bäumli müend gwüss bsorget si, das hät na Ziit es Stündli.
Ich möcht jetz amol no in Ruäh min z'Obet fertig chäuä-
Und wenn äs Tässli gfällig wär, so würd's mi herzli freuä!“
 
S' Christchindli lachet:
„Nu so denn, do bi i nid dägegä; es bitzli öppis warms tuet guät
uf minä witä Wegä! Ma cha jo denn no allerlei
redä und usmachä, was jedes Chind söll übercho
Vo denä schöane Sachä.“
 
Si sitzed gmüetli binenand im chlinä Stübli hinä
De Vollmond zündt d'Laternä a und lueget heimli inä;
Er loset lang am Fänsterli und uf der Hustürschwellä.
Wenn er nu besser redä chönnt, er müässt mir's gwüss verzellä.
 
von Rudolf Ziegler
 


Keine Kommentare:

Kommentar veröffentlichen

Vielen Dank das du mich besucht hast. Herzlichst JU